Wydanie Elementarza gwary cieszyńskiej i wierszy po naszymu

Pierwsza zbióka biła rekordy popularności. Teraz pochodzący z Kończyc Małych Tomek Sochacki a właściwie jak sam pisz o soie Tómek Sochacki, zbiera pięniądze na kolejną książkę, tym razem  chce pozyskać pieniądze wydanie Elementarza gwary cieszyńskiej i wierszy po naszymu

Moji Rostomili,
Na ściepce (zrzutce) zbiyróm grejcary, coby wydać Szlabikorz naszej cieszyńskij rzeczy a wiersze po naszymu, coch jich pisoł jakisik czas. Wszystko to bydzie w jednej ksiónżce a móm uż na to 1360 złotych. Wszystkim wóm przeogrómnie dziynkujym za każdy grosz. Wiym, żech tóm śpiepke zrobił w czasie, kiej każdy dwa abo trzi razy pinióndz w rynce przekulo niż nim zapłaci. Takich ciulatych czasów my dożyli. Muszym tak szpatnie rzyc, bo to co sie dokoła robi to je na isto sumeryja. A eszcze ta wojna a ludzie, co sie cisnóm do nas, bo uciekajóm przed wojnóm, nó ni ma to żodno sranda. Jak żech wydowoł piyrszóm ksiónżke to było ganc inakszy, bo hned żech nazbiyroł tela, coby mi drukarnia zrobiła sto ksiónżek a wartko żech jich zaczón wszystkim rozdować a posyłać po całej Cieszyńskij Ziymi, po jednej a po drugij strónie Olzy. Terazy je tak, że kupa ludzi pómogo tym, co uciekajóm przed wojnóm a eszcze bynzina a nafta stoji tela, że niż sie zapuści auto, to se człowiek raczy pomyśli kany rajzować. A ku tymu jodło w kónzumie je drogi jak cyp a eletryka, woda a gaz to sie uż żodyn raczy nie dziwo na ty rachunki, bo to człowiek może zgupnónć. Ale jednako na ściepce grejcary sóm, tóż dziynka piekne, ale jak możecie to eszcze tak cosik wciepcie. Ta ksiónżka to bydzie Szlabikorz a wiersze po naszymu. Gor mi idzie o tyn Szlabikorz, bo z tego sie baji każdy Polok dozwiy, jako sie rzóndzi po naszymu. A tyn, co poradzi fulać, abo drzistać se możne spómni, cosik mało wiela. A wiersze, sóm napisane do rymu, tak oto lachko po naszymu. Pyty wciepcie tam na zrzutke cosik mało wiela, bo to chcym wydać a to bydzie ksiónżka, co sie jóm bydzie fajnie czytać, z fotografijami z hań downych czasów. Rostomili, jo wiym żech oto niedowno napisoł cosik o tej wojnie, co je na Ukrainie, ale to je to co se o tym myślym a Pónbóczku opatruj cobych był ruskim trolym. Rusów móm rod Ukraińców też, ale ludzi, tych obyczajnych a nie poliyków. Rostomili, jak chcecie mieć dóma Szlabikorz naszej rzeczy a wiersze po naszymu pospołu w jednej ksiónżce to pyty ciepnijcie jakisik grosz na ściepke. Bez Waszej pómocy tego nie wydóm a robiym to nie dlo siebie, ale dlo tych co przidóm po nas.
Tómek Sochacki

Link do zrzutki:https://zrzutka.pl/rkvr3k